【宣布再度佗B後】方媛首PO相

郭富城日前宣布太太方媛（Moka）再度有喜，心情大靚嘅城城全程笑得好開心（相關新聞：https://goo.gl/EsVXUZ）！三年抱兩，一家三口就快變成一家四口超幸福！

之前仲話要一年影一次全家福，下年就有新成員加入啦！

而呢日一向貪靚嘅Moka去髮型屋扮靚，迎接新嘅一年。

相中可見，佢刻意收埋孕肚，只露出個靚樣，不過睇佢塊臉依然好瘦。

佢留言多謝髮型師今次幫佢護理頭髮，仲話明年先去染髮，睇嚟佢好乖咁守佗B禁忌，打算「卸貨」後先染髮。

(綜合報道)