【傳兩個月前搞離婚】劉愷威楊冪揀喺冬至宣布分訊係因為⋯

藝人劉愷威與內地女星楊冪昨日（22日）經理人公司發布離婚聲明，指二人係和平分手，並會共同照顧及撫養囡囡小糯米。

雖然佢哋離婚傳足多年，但「威冪」一直三緘其口。不過愷威今年年初參加內地節目《跨界歌王》第三季嗰陣，曾多次唱苦情歌，有心水清嘅網友總結佢嘅苦情歌單，包括《心如刀割》、《原來你甚麼都不想要》、《給寶寶的歌》、《說散就散》、《慢慢》、《背叛》、《方圓萬里》等……全部歌都苦過食黃蓮，真係愈唱愈慘，愈聽愈感受到佢有幾苦！

當時愷威接受訪問時，只話自己只係想將一啲唔同成長階段喜歡嘅歌Share，依家睇番，呢份歌單原來暗藏心聲。