一直專心相夫教女嘅佢甚少公開露面，對上一次可能已經係一年半前出席講座分享育兒心得，久未露面嘅佢呢日竟然有素顏照喺網上曝光！
香港組合Super Girls隊長Aka 一向都好鍾意畫畫~
五人女子組合Super Girls隊長Aka （最右）
Aka （最左）
佢去參觀油畫展時，竟然好幸運咁撞到呢位天后！
見到49歲嘅彭羚素顏上陣，Aka即刻變小粉絲集郵，Keep得非常之好，皮膚好好，完全唔會輸畀20幾歲後生女，雖然當時打扮隨意，都依然大方合照！
網民都紛紛留言讚彭羚Keep得好好，仲話好掛住佢，問佢幾時復出開騷，仲大讚年迎半百都係咁省鏡！Aka就留言：「Don’t be too Jealous（唔好太羨慕）」真係恨死大家！
對上一次出席活動已經係一年半之前。
她當時又分享一則趣事，原來彭羚老公林海峰亦非常擅長跟小朋友相處，她說：「有次我同幾個媽咪朋友出咗去食飯，留低咗五個小朋友喺屋企，其中最細係一歲，最大六歲，畀林生（林海峰）去湊。食完飯之後接到林生電話，佢話五個小朋友自己反鎖咗喺房，佢話已經個幾鐘，佢哋好OK，你哋唔使擔心，『開鎖佬』已經嚟緊，林生全程處理得非常好，佢隔住門同小朋友玩遊戲同畫畫，期間有兩個小朋友要去大小便，佢隔住門教佢哋用尿片解決，最後救番小朋友出嚟之後，小朋友好開心，過程中學識咗好多嘢，令佢哋學識天跌落嚟當被冚，發生咩事都有方法解決。」
彭羚在活動上全程讚老公照顧小朋友好了得！
(綜合報道 / on.cc)
