藝人林峯以六福珠寶「愛恆久」系列代言人身份出席「2018六福珠寶賽馬日」。
跟品牌合作多年，會否經常送珠寶給家人或另一半？他就表示：「我都好多謝六福，好多朋友百日宴或者長輩生日，我都會送金銀珠寶，我會攞discount，亦會買來孝敬父母，所以屋企都幾多呢啲。」林峯又表示始終有一日會踏入人生另一階段，所以都希望品牌到時可以贊助他，問到不是應該父母傳給他嗎？他笑說：「我呢啲靠自己，講心嘅，唔講家傳之寶。（屋企有冇家傳之寶畀你？）啲人成日話我去旅行買手袋，其實我係買畀媽咪，我成日同佢講要當手袋係藝術品，將來就會成為家傳之寶。」
此外，他笑言已經忘記第幾年入馬場出席這個品牌的活動，並表示跟品牌合作了很多年，每次到馬場差不多都是為工作，但本身是馬會會員，當時申請馬會會籍，主要都是想父母可以進場食飯，因為他認為馬會的東西很好吃。問到會否考慮做馬主？林峯坦言：「好多朋友有問過我，我出年先諗吓，可以當係一個地方或者活動聚會吓，但我完全唔識賭馬，我試過口噏就中，自己買又未必中。（如果做馬主會唔會幫隻馬改名，例如叫玉樹？）未諗到咁遠喎，都要睇吓朋友意見。」
問到聖誕節將如何度過？林峯表示：「會同一個細細個就識得嘅好朋友，同埋佢一家人過，因為我啲屋企人聖誕節通常係打麻雀過，我又唔識打，覺得有啲悶。」
「（咁會唔會帶另一半張馨月出席？）感情事唔講啦。（有傳聞指吳千語想翻兜你？）」
「感情事真係唔想分享咁多。（係咪有開心事先至會分享？）其實一年前都同傳媒朋友講過，想大家專注我嘅作品上面，其實我今年有四套作品，係好多人一齊嘅心血，唔想每次出嚟都係花咗心機喺其他嘢上面，希望大家睇到自己的作品。」 
(on.cc)
