楊思琦為咗養女，真係搏到盡搵銀，返大陸出席大大小小嘅商演活動，又拍戲，早前仲畀面王賢誌，返大台做慈善騷。
但唔知係咪捱得太辛苦，噚日竟然唔小心整傷腳趾公，傷口似乎都幾深，但搽咗藥已經止血，應該唔使縫針。
思琦喺社交網上留言﹕「很想只是特級化妝…可惜！真的很痛，太不小心了！」唔知思琦係咪受傷口太痛影響，手快快打錯字，將「特技」寫錯「特級」，之後好快就出作更正。
思琦話係自己唔小心跌親撞到，佢話﹕「我喺屋企唔小心整到，因為着住拖鞋踢到尖嘢，傷口都幾深。雖然止到血唔使縫針，但o依家仲好痛，揸唔到車，行路拐吓拐吓，用力就好似想裂開咁。下星期仲要返大陸出騷，都擔心到時着唔到高踭鞋。」
(apple daily)
