今個月23日歌手江若琳（Elanne）就會同未婚夫蕭潤邦（Oscar）成婚，喺紅磡筵開40席！
兩人6月初已經影好婚紗相，張張都咁靚！
Oscar真係超錫Elanne，前後畀足兩次禮金：「之前求婚嘅時候，好驚世伯伯母唔嫁個女畀我，所以一求完婚即刻畀禮金，到準備過大禮先知，原來禮金係應該今日先畀，世伯伯母話畀咗唔使再畀，但係我堅持，我希望畀佢哋見到我嘅誠意，相信我一世都會對老婆、對佢哋好。」
數數手指都唔夠十日，時不時都會放閃嘅佢哋呢日又嚟料啦！
Elanne喺社交網甫咗張相，仲留言話：「感激結婚前還有的小驚喜！」
相中見到Elanne揸住紮花，睇下佢笑得幾甜就知佢幾咁開心～
網民留言話除咗好閃之外仲完全感覺到佢哋嘅幸福！
但之後Elanne竟然話：「往後嘅日子會多咗個第三者，呢個第三者我最歡迎佢永遠存在」
網民都好好奇點解會有「第三者」係受歡迎，仲有網民留言送上祝福恭喜Elanne，問佢係咪有咗？
睇真啲，原來Elanne口中嘅第三者係講緊佢隻貓咪糯米糕！
(綜合報道/IG/on.cc)
