「民間女配角」楊秀惠（Vivien）今日到電台宣傳熱播劇《大帥哥》，獲粉絲送贈紅玫瑰以示支持，令她喜出望外！
受訪時，Vivien興奮指新劇頭5集於網上突破1億點擊率，為全劇演員打了強心針，又表示身邊永遠都有個忠實粉絲氹自己開心：「係住喺馬來西亞嘅7歲姪仔，佢會學我喺劇內色誘Dicky（張衞健）揈手個動作，又會問我點解要『耶』。佢係一個好怕醜嘅人，但都會叫我『耶』畀佢聽，不過佢唔識中文，所以其他就聽唔明。」
講到被網民熱推奪「最佳女配角」，Vivien表示好開心、感恩，同時坦言一開始接下「艾妞」此風騷角色會驚令大家反感，所以演出時都有掙扎：「每次化妝嘅時候，我都同自己講，我係演員要做好個角色。」
甚至每日都要進行心理輔導：「一路睇播出都一路震，擔心大家唔接受，好彩喊戲一出就收到好多Message話好感人，都算鬆一口氣，做演員都係想得到觀眾認同，我拍咗14年戲終於得到！」
對於被網民封為《最佳女配角》，秀惠話自己出道14年終於獲得認同，仲話如果可以得獎，就係錦上添花：「都想有獎項認同演技，不過都要睇天時、地利、人和，自己盡咗力就得。」她續預告之後劇情會更精彩，雖然播出時間上有「輸蝕」，但今次足以證明作品夠好都留得住觀眾，12月絕非「炮灰期」！
(綜合報道/on.cc)
