今年1月結婚，當時旦哥仲親自飛去布吉恭賀一對新人！
八月仲宣佈有喜！
早排喺《是咁的，法官閣下》飾演「四眼律師」，獲網民大讚夠哂省鏡！
話咁快BB已經搶閘喺聖誕前報到啦～
今日陳華鑫喺社交網報喜，貼咗張相，仲留言話：「我們家的小公主出嚟過聖誕節。」
宣布誕下6磅5安士的小公主，正式榮升做媽媽！見囡囡瞓喺BB床，眼長長、嘴細細似足媽咪咁靚女，床頭仲有隻小熊公仔。
其實上個月陳華鑫擺過一張靚靚嘅大肚相出嚟，醫生診斷出佢子宮頸短，有機會早產，所以要臥床休息(相關新聞:https://goo.gl/KuMKnN)，不過當時佢話預產期係12月尾，所以都叫早咗少少。
陳華鑫喺IG都有留tag講「好彩妳足磅」，陳華鑫今日回覆傳媒講起添女好開心：「係呀，女仔嚟，重6磅5安士。我係自然分娩，辛苦，但係接受到。因為我生得好快！由陣痛到生用咗四個鐘，但未改名呀。」
而新任爸爸都忍唔住要錫啖囡囡，場面非常溫馨。
(綜合報道)
