34歲嘅藝人李亞男（Leanne）依家懷孕接近9個月，差唔多準備卸貨啦！
之前王祖藍大曬B女超聲波照，真係同爸爸餅印咁！
仲舉行埋Baby shower超熱鬧！
今日亞男就喺社交網曬出同老公王祖藍以黑白情侶Look影嘅大肚寫真，仲話好期待囡囡出世添！
拍照過程中，祖藍除咗隔住老婆嘅肚皮錫錫囡囡之外，一向搞笑嘅佢，仲同就快生得嘅Leanne鬥肚大，認真百厭！
Leanne笑言老公個肚時大時細，真係夠哂神奇！
另外，祖藍又自爆為囡囡改名諗到頭都大埋，佢表示：「寶寶是女生，爸爸姓王，媽媽姓李，各位廣大的網友有甚麼好聽的名字可以供我和亞男參考一下嗎？給孩子起名字真的太難了！」
求救聲一出，各位諗頭多多嘅網友就即刻獻計，紛紛留言提議：「王祖紅」、「王祖賢」、「王愛莉（諧音：王愛李）」等，祖藍今次仲唔大把貨仔？
(綜合報道)
