現年35歲的洪永城（Tony）去年5月與唐詩詠甩拖，期間曾傳復合，他否認之餘更一直堅稱「想搵個新嘅」。
早前詩詠就被爆同「教育界王力宏」Samuel Chan 陳思銘食飯，男方仲摸詩詠頭，詩詠就嘟起嘴，個樣好冧（相關新聞：https://goo.gl/WH6rpg）。
不過佢哋之後都否認戀情（相關新聞：https://goo.gl/yo4KDs）。
至於洪永城，估不到上月仍表示未有對象嘅佢近日已火速撻着模特兒兼長跑教練梁諾妍。據悉愛跑步的Tony不時參加長跑活動而結識女方，梁諾妍於8月時仍表示有拍拖兩年的北京男友，最終不敵Tony力追，二人一撻即着戀火熱燒，相戀短短日子已極癡纏，雖然Tony近日忙於宣傳劇集《大帥哥》，仍爭取時間與女友蜜會。
「驚嚇親佢」
日前下午約3時，Tony與梁諾妍於男方的西貢寓所度春宵後離開，原本他驅車接載女友往乘港鐵，沿途發現記者後即四出兜圈，未能撇甩追訪的他及後直駛電視城。記者上前拍照時他表現鎮定，還嘴角含春手指指示意要入停車場，反而梁諾妍一臉尷尬，不時頭耷耷避鏡。
駛入電視城後，Tony即下車護送女友從另一出口離開，沿途被問到過夜及拍拖一事，春風滿臉的他未有回答，只指着女友說：「唔好影啦，驚嚇親佢。」女友聞言即含情脈脈望着男友，Tony更多次輕撫女友肩膊安撫，及後送女友往電視城外上車後便往開工。
梁諾妍則往中環其開設的健身中心，逗留約兩小時後離開，問到新戀情，她說：「唔好意思，我趕時間。」之後上車離開。
翌日Tony現身電視城拍新劇，被問及與梁諾妍拍拖幾耐？他甜爆說：「哈哈……了解中啦……」提到女方有穩定男友，Tony即一臉認真說：「佢應該冇男友，以我所知……（佢北京有個男友喎！）據我所知應該係冇嘅。（點識佢？）畀啲空間我啦。」
問到是否跑步認識？他一臉冧爆，更甜笑到腰果眼說：「佢跑步教練嚟嘛，你哋追咗佢去中環都知啦，佢自己間舖，唔好嚇親佢啦。」說罷急急腳入廠開工。
(綜合報道/on.cc)
