45歲蔡少芬和張晉結婚八年，兩人育有兩個囡囡，一家四口幸福滿瀉。
然而，近日網上流傳一條張晉大膽嘲笑老婆嘅短片，呢條片火速登上微博熱搜第一位。
短片中張晉一邊打邊爐一邊話：「天不怕地不怕，就怕蔡少芬說普通話！」
結果激到老婆蔡少芬好嬲，佢喺微博轉貼熱搜榜，霸氣回覆：「看來有人命不久巳（矣）！」還附有一個嬲嬲豬表情圖案兼連串「￥&$#+%」，可能蔡少芬被老公激到生蝦咁跳，嬲到打錯字，將命不久矣打錯「巳」；
蔡少芬霸氣「恐嚇」張晉，兩公婆對話真係超好笑！
而有網民都抵死留言：「回去就跟他說普通話，嚇死他。」、「好大的膽子，得罪了娘娘，期待後續。」、「湯包爸（張晉）有難了！」
(weibo / 綜合報道)
