歌手古巨基（基仔）舉行新碟《維多利亞》發布會，為配合大碟主題，特意選址位於油麻地的一間懷舊冰室，邊歎美食邊唱新歌，令基仔都不禁大讚好正：「喺冰室唱歌真係第一次，喺度做發布會好有意思。（私下成日食？）茶餐廳，但入行之後就買外賣多。」
提到政府終提倡實名制購買演唱會門票，以打擊黃牛，對於明年4月開演唱會Part 2的基仔，他認同都要想辦法打擊，但如何執行就要再商討，目前只是初步階段。提到好友黃子華反對實名制，因為覺得侵犯私隱，基仔即和議說：「就正如我想講要諗埋個方法可唔可行先實行，例如執行上有冇問題，如果逐個對名驗飛會唔會天黑？唔可以某某然舉一個方法就去行。」
問到會否考慮減少內部認購門票的數量？基仔打趣說：「我嗰啲有好多都供應番出嚟買㗎！（唔係絕望座位表？）我唔贊成㗎！相信大家同業都想搵個方法真正打擊到黃牛黨情況。」有開始諗定Part 2演唱會賣飛情況？他笑言如果諗到可行方法，今年年頭個唱都實行咗，但相信Part 2應該來不及有打擊黃牛黨的方法出現，而作為表演者都希望歌迷可以用正價買到演唱會飛。講到鄭伊健為杜絕排隊黨，宣布取消首日門市購飛，改為只作網上發售，基仔聞言指黃牛黨亦可用網上程式搶飛再作炒賣，故如果各大唱片公司代表可以聚集開會商討就最好不過，始終牽涉多方去配合。
基仔又大呻現時被太太Lorraine管食，又心虛自認最近肥咗：「佢話我又要出碟、宣傳、開騷，有嚴格管制我嘅飲食。（啱啱咪破戒？）為咗做嘢而食係唔會肥嘅！」
講到近日有傳太太有喜，問到是否可恭喜他？
之前古太被傳媒拍到肚凸凸出巡，兼且著平底波鞋，樣子甚爲開心！（相關新聞：https://goo.gl/ZTqn8L）
基仔沒有否認、亦沒有承認，只笑笑口問太太了解：「我對佢唔係好了解，要返屋企問吓佢。（未知係咪做爸爸？未夠日子唔講得？）我哋喺屋企好少傾偈，你咁問我就要特登問吓佢。」
相關新聞：
【雙喜臨門！古巨基開心宣布…】https://goo.gl/11cXpk
【古太肚凸凸孕味濃 古巨基超細心！】https://goo.gl/ZTqn8L
（on.cc）
