藝人楊千嬅與周柏豪亮相無綫慈善節目《歡樂滿東華2018》唱歌籌款，結果籌得30萬。
已經有兩年沒有參與《歡樂滿東華》的千嬅，透露身為東華月捐大使，故平日也有幫手，問到為何不作高難度演出？
她笑謂：「佢哋驚過我，都係做自己最有信心嘅嘢，順便同柏豪打吓歌！（培養仔仔做多啲善事？）都會，訓練佢耐性同分享…」
「學校都有德育科，一年級都有帶佢哋探訪老人家，等佢了解第時有一日媽咪都會老！」
「（係咪驚入老人院？）唔係，呢啲自己會處理，老人家都需要人照顧！（叫個仔打熱線支持你？）唔使，平時都有叫佢做善事。（仔仔之前投訴你太性感，所以今日密實？）唔係，主要同柏豪襯色，我都冇性感條件。」
（on.cc）
