藝人鄧麗欣（Stephy）現身聖誕活動，現場有卡通人物AP鴨，她自言小時候很喜歡該卡通人物：「我記得佢出過一隻好大嘅公仔，大到一手攬唔晒，我當時諗如果邊個送畀我，我會嫁畀佢，不過當時好細個，後來上咗中學真係有個男仔送咗嗰隻鴨畀我，咁嗰時懂性，就覺得自己好蠢，幾百蚊就奪取我嘅芳心，咁唔得。（佢想追求你？）係，我好似有接受到佢，但只係Puppy Love。」
王子應該收到Stephy要求啦…可能好快好事近！
、
談到工作，Stephy稱拍戲已接近尾聲，至於聖誕節，她坦言仍未安排：「因為之前唔知套戲幾時拍完，所以冇諗。（送咩禮物畀台灣藝人男友邱勝翊（王子）？）未，好頭痛，我買禮物好渣，其實我每年都會同朋友交換禮物，有時會送啲環保禮物，將屋企唔要嘅嘢送出去。」
「（會唔會去台灣搵男友？）未諗，可能佢飛過嚟，要睇佢工作嗰邊點。（拍拖第一個聖誕，會唔會浪漫啲？）浪漫呢啲嘢，第一個聖誕就交畀佢搞，其實聖誕節我冇咩所謂，我會覺得生日緊要啲。」
(綜合報道 / on.cc)
