藝人李蘊今年兩歲嘅大女羅紫晞，今朝一早唔舒服兼出現嘔吐，嚇得李蘊立即飛的士同女兒睇醫生。
經過診斷後證實患上急性胃炎，搞到李蘊不知幾擔心同心痛，佢喺社交網講番件事，佢話：「我個大寶貝唔知做咩今朝係咁嘔，去睇醫生先。
睇完醫生返咗屋企啦，急性胃炎，塞咗止嘔藥、開咗幾隻藥， 呢兩日食清淡啲，食藥休息下，瞓多啲就會好。睇吓平時活躍到不得了嘅晞晞，今日呆晒乜都唔肯食，玩又唔肯玩，同佢最愛嘅爸爸facetime都唔出聲，可想而知佢幾唔舒服。」佢仲話小朋友唔舒服媽媽最心痛。
(ig / on.cc)
