不過今次喜宴竟然冇明星現身，只係得羅蘭姐同森美。
譚校長同郭富城都拍片祝福一對新人~
新任岳母車淑梅話係因為要配合一對新人低調作風，所以冇請太多明星。
著名電台DJ車淑梅寶貝張家晞（Fioni）琴日出嫁，佢話好唔捨得自己個女嫁出去~
而請森美當中係有段古故事，車淑梅表示：「我請咗德高望重嘅羅蘭姐同森美，因為一年前我個女婿陳曉雋（Herman）喺森美嘅節目度求婚成功，豈有此理！哈哈哈，譚校長同郭富城都有送祝福，真係令大家喜出望外！」車淑梅同森美效力唔同電台，女婿Herman竟然唔幫襯外母個電台，又難怪車淑梅會話「豈有此理」！
Fioni喺MIT麻省理工畢業，而Herman就係拔尖科大畢業生，兩位都係高材生可謂襯到絕，而榮升外母嘅車淑梅就話開頭心情係好唔捨得：「之前一直諗，Fioni出嫁時我一定會好唔捨得，估唔到今日心情非常輕鬆，Herman係優秀嘅年青人，我為Fioni搵到如意郎君而高興。」
恭喜恭喜！
(on.cc)
