兩公婆向來恩愛甜蜜，早前佢仲宣布懷有第三胎，真係開心至極！
近日Cara G.丟低兩個囡囡，同老公Jesper飛到蘇梅島旅遊。難得去到咁靚嘅地方當然唔少得影相留念。
Cara G.先甫出一張水着相，見佢腹部隆起，展露個燦爛笑容，之後再甫出一張同老公欣賞日落相，並以英文留言：
「即使做咗父母，都好需要花時間同你嘅另一半相處，不論係一個短短約會或者係喺海灘散步，但最幸運嘅當然就係有人幫你湊小朋友一個晚上，過吓二人世界。平時我哋工作忙碌，又要照顧小朋友，此行可以度過我哋13周年紀念日，加上平時喺屋企我哋喺要同埋小朋友一齊瞓，今次令我感受番拍拖感覺。」
(on.cc)
