徐子淇與李家誠於2006年拉埋天窗，二人婚後育有兩子兩女，有仔又有女，生活幸福美滿！
身為「千億新抱」嘅徐子淇一直對慈善工作都不遺餘力！早前仲帶埋3個子女去柬埔寨探訪，由於當地衛生環境欠佳，佢哋返香港之後，都分別感染沙門氏菌及手足口病。
徐子淇之前分享過當時情形：「係呀，當地係比較污糟，因為佢哋排泄，所有嘢都喺同一條河，佢哋又住喺嗰條河，所以係有好多細菌，但係去呢啲地方又唔想呢樣唔掂嗰樣唔掂，你咁樣唔係真係體驗到佢哋嘅生活，所以我又唔覺得大問題，小朋友病吓，返到嚟休息吓，食吓藥都ok，呢個經驗好寶貴，世界上好多嘢，佢哋都未見過，我希望佢哋能夠曠闊視野，其實今晚佢哋都嚟咗幫手做義賣，最細嗰個都有嚟，希望佢唔好搗亂，我叫姐姐拖實佢，希望佢哋由細開始做起，為慈善出分力。」
真係教仔女有一套！
徐子淇今日在網上post新相，在充滿聖誕氣氛的背景，穿上又紅又白應節聖誕冷衫大擺甫士，更騷了一對長腿。
「Christmas is the best season to spread our blessings!」原來她不是提早過節，而是呼籲大家做善事。
善事玩法是穿上聖誕冷衫（X’mas jumper），再拍照post相片上網及捐錢給救助兒童會，以喚起大家在佳節關心有需要的孩子。她點名好友林建岳女兒林恬兒(Emily)接力，齊齊著post相籌款。
而之前，RubberBand、AGA、王梓軒等亦有拍片，呼籲大家捐出買聖誕禮物的錢做善款。
(綜合報道/Apple daily)
