陳百祥說：「係呀！我哋啱啱同佢綵排完，嚟咗我度食大閘蟹宴，好多嘢食，又有日本嘢！咁咪好囉！我就係同佢食緊隻冰船！」
流着無綫血的「獎門人」曾志偉，之前被傳與高層余詠珊鬧不和，但無綫亦放低成見，邀其亮相去年台慶。可惜志偉心中的刺未能拔走，多番毫不留情狂踩港姐騷，更公然倒戈上ViuTV講波，終於辣㷫無綫下令封殺，當時無綫親生仔陳百祥亦忍唔住開腔寸志偉：「佢睇唔起TVB！」
不過，地球係圓的，今年《歡樂滿東華》終於成為了彼此「破冰」的橋樑，志偉於三星期前，在無綫主動邀請下，答應出席今晚舉行的《東華》並擔任司儀，陳百祥說：「係呀！我哋啱啱同佢綵排完，嚟咗我度食大閘蟹宴，好多嘢食，又有日本嘢！（志偉同無綫破冰？）咁咪好囉！我就係同佢食緊隻冰船！兩兄弟有機會一齊做嘢係開心事，一個《港姐》、一個《東華》都係志偉嘅情意結，今次佢咁啱冇嘢做可以度期做司儀。（要幫佢向無綫講幾句好話？）嘩！我都係跟住佢搵食啫，點敢呀！不過我又覺得唔使嘅，所謂有能者居知，你係有料嘅，點都有得你做！」
而《東華》監製何小慧亦說：「之前台慶都有搵佢，只係佢有電影拍冇晒期，今次佢咁啱有時間，好有善心，所以答應做！」
(on.cc)
