藝人袁偉豪出席「浪琴表香港國際賽事」晚宴，佢透露前晚為《歡樂滿東華》錄影飛車多次都不成功，剛好寶兒出現就即成功，問是否想威畀佢睇？他笑言：「唔係！不過都畀同事笑，話寶兒係我嘅吉祥物。（定係幸運女神？）可以咁講，我都叫佢唔好成日企喺入鏡位度，不過我都想佢陪我、支持我。」
袁偉豪表演上都有啲驚險動作：「已經完成錄影，咁啱女朋友喺身邊行過，見到佢我就諗不如快啲返屋企食飯。」
佢又指飛車戲因拍檔薛世恒受傷而要一個人完成，現時錄影完成，又加碼籌到60萬好開心，又指訓練老師指上世紀除了王傑之外，都沒有人玩過這些飛車，覺得自己好似肩負重任般。
說到黃子恆桃色事件，袁偉豪指不方便評論，但希望對方振作：「形象唔多唔少會有影響，結果都係佢自己選擇，唔會話佢啱定錯，希望佢努力工作，變得更加好，做得咁辛苦，機會都唔係成日有，希望佢珍惜同振作。」
問到佢有冇恭喜同場、剛公布懷孕的岑麗香時，佢坦言不知道對方「有喜」，又指曾合作拍劇，年頭都有一齊到外地宣傳，袁偉豪即八卦問記者：「咁佢佗仔定女呀？年尾真係多喜事，好恭喜佢，希望孩子健健康康成長！（有冇感染到你？）我依家要做善事先，近排身邊朋友都好多轉變好大，都有被感染，都會諗吓自己嘅將來，諗吓幾時成家。」
問他何時實行時，他笑言：「計劃緊，等我搏殺吓先！（係咪張寶兒？）係！」之前一直都話唔諗咁遠，依家轉哂口風，睇嚟唔遠啦～
(綜合報道)
