藝人龔嘉欣喺今個月5號度過29歲生日。
余德丞特意準備蛋糕，親自送到現場為佢慶祝，氹得在工作中度過生日的龔嘉欣非常開心。
當然唔少得無綫新劇《殺手》劇組！
佢早前透露生日正日跟一名圈外追求者吃下午茶慶祝。嘉欣話︰「大家先作了解。他有送花給我。（回贈他香吻？）當然沒有，女孩子要矜持，要正式拍拖先。（聖誕節可有約會他？）我聖誕節會與家人去熱帶地方旅行。」
唔知送嘅係咪就係呢紮花呢？
而「少婦聯盟」成員譚凱琪、陳凱琳、沈卓盈都幫佢搞咗個生日飯局。平時大家都咁忙，難得有時間一聚當然有講唔完嘅話題啦！結果生日飯局就一傾就傾足八粒鐘，搞到個個都嗌眼瞓。
譚凱琪喺社交網上載生日飯局嘅相，並發文話：「Happy belated birthday to our辣椒仔，祝你繼續人見人愛，車見車去載。唔好再受傷喇。史上最長氣的飯局，密會8小時，我仲好眼訓（瞓）呀。」
佢都不忘大讚懷孕中嘅陳凱琳好賢淑添！
（綜合報道）
