古巨基最近可謂雙喜臨門！佢分享回滴：「好辛苦先搵到一間，嗰一刻，我真係有啲感動由個心出來。。。」
今日他開心宣布：「拿到紅館檔期了！2019年4月再做Part 2！」
新廣東EP即將推出，同時公告將於明年4月開演唱會Part 2，今年五月基仔在紅館連開五場，火速爆滿，歌迷不停要求再做part 2！而之前古太被影到肚凸凸出巡（相關新聞：https://goo.gl/ZTqn8L），唔知會唔會變成三喜臨門呢！？
而新EP他走遍香港大街小巷拍封面及內頁照，包括街市，大牌檔、涼茶舖、屋邨士多、電子遊戲機中心、金魚街等。他說：「唱片係以香港故事為題，所以我揀咗啲陪伴我哋香港人成長的生活場景去拍攝封面。」
有細個經常陪嫲嫲去買餸嘅街市，又揀咗細個最喜愛的蒲點「機竇」，當中喺南山邨撞到一班大學生，原來佢哋讀電影，將來大家都可能有機會成為同行，傾得開心起來，就順便邀請埋佢哋一齊影相。
讀書年代他好鍾意打機，回家放下書包換件衫，第一時間就衝去機竇排隊等挑機，至今機竇已經幾乎執晒笠，他說：「好辛苦先搵到一間，入得去當然唔止影相啦，我有玩吓回味吓，當我行過去換大餅（港幣一蚊），佢畀個膠袋入住袋一蚊銀畀我嗰一刻，我真係有啲感動由個心出來，好似時光倒流幾十年返番去細路仔年代。」
基仔又話為配合主題，今次專輯封套會用一個仿舊式曬相店所用的相袋設計， 當大家買這張專輯回家時，就會擁有昔日曬相的心情，裏面照片和歌詞集會印製成3R相片，似足從前，大家拿到沖曬好照片，拎返屋企大家一齊睇個種開心感覺。
(on.cc)
