【結婚23年仲係咁恩愛】歐瑞偉拖到老婆實一實

56歲嘅歐瑞偉同靚老婆Wendy(李愛玲)結咗婚23年，一直都好恩愛，唔使開工嘅時候，就同老婆行街拍拖，之前歐瑞偉接受訪問嘅時候，曾經講過當年老婆放棄喺大馬嘅演藝事業，陪佢返香港生活，所以佢要努力做嘢，保護呢個屋企！

入行咁多年，拍過100套劇，係100套，唔係100集。依家大家最熟悉嘅，都係KC、易先生、楊竹鑾呢幾個角色。真係入哂屋！
日前傍晚5點左右，喺金鐘見到歐瑞偉同老婆，見佢哋拎住一袋二袋，睇嚟收獲好豐富，嗰陣佢哋準備去搭港鐵，去到黃埔站落車，歐瑞偉先去咗一間五金舖買嘢，其間唔知係唔係老婆對鞋著得唔舒服，所以佢即場換咗對鞋，跟住去完馬會就去藥房買卷裝廁紙，之後就返屋企！

相關新聞：

【三十年前月入三萬 歐瑞偉主角變配角：唔好下下怨天尤人】https://goo.gl/enY7zJ

(綜合報道/Apple daily)