34歲的藝人岑麗香（香香）兩年前同男友強強拉埋天窗，佢嘅好姊妹鍾嘉欣、李亞男都輪住有喜，所以唔少網民都催香香快啲生返個～
香香之前都分享過趣事：「其實我去到邊都畀人叫我快啲生，去街市買餸，啲阿姐都催我。」
仲記得早幾日，岑麗香出席活動嗰陣，着住低胸透視裙嘅佢，上圍升cup加上肚仔微隆，孕味十足，不過當大家問佢係咪有喜事要宣佈嘅時候，佢就解釋只係條裙嘅剪裁問題，仲話：「總之適當嘅時候會講，畀少少時間我，我哋努力中。」
昨晚終於係適當時候啦！香香揀咗喺呢日報喜！
佢喺社交網上載同老公強強嘅合照，見佢兩個齊齊拎住件BB衫，仲笑得好甜，宣布做爸爸媽媽，她留言：「B-a-b-y coming 2019！」
即係下年豬年將生個豬BB。唔少網民都留言送上祝福，而藝人朱千雪、羅天宇同埋黃翠如等人亦有留言恭喜佢！
(綜合報道)
