藝人利嘉兒（Lily）出席活動，談到平時有否收藏珠寶習慣，Lily指沒有特別習慣：「但平時見到好啱先會買，又冇特別諗保唔保值。我知道有啲人戴首飾一定要真嘢，但我就冇咩所謂最緊要個款式易襯。」
「（依家會唔會為咗囡囡買保值嘅款？）真係開始會諗，咩都以佢行先，以前聽到啲媽咪會買啲金器畀小朋友，覺得好無聊，不過依家自己都變成咁。囡囡出世後都收唔少金器，都會留番畀佢大個，所以依家都會計劃買啲金粒畀佢。」
問到會否為囡囡Karyssa搞百日宴？她說：「因為我同老公都多朋友，囡囡未出世已諗呢個問題，不過因為佢百日宴時係臨近聖誕節嗰幾日，好多朋友都不在港，所以12月就會搞個自己親戚百日宴先，因為親友都比較緊張，點都要同佢慶祝吓。至於請朋友方面就要有周詳計劃，可能等囡囡大個啲先再搞，咁可以邀請更多朋友，加上囡囡細個，唔希望佢接觸咁多人，所以可能會舉行1歲派對。」
又表示自己產後情緒波動大，對女兒的日常生活亦會有所擔心。
(on.cc)
