她表示家中沒有請工人、亦冇請陪月，暫當全職媽咪湊女：「呢幾日醫院都好好，教識晒我點幫子子沖涼、換片，我哋呢啲新手媽咪真係驚，最難真係掃風，要好好研究一下。呢幾日好多朋友都嚟探子子，長輩佢哋都好錫佢，一出世已經收好多衫同利是。」
董敏莉（Monie）早前開刀誕下愛女子子，日前已出院接囡囡回家。
Monie坦言成功餵人奶感動到想喊，初嚐做媽媽的感覺：「因為我哋都想試餵人奶，但頭幾日都唔係好成功，但尋日開始有，嗰一刻直頭想喊出嚟！（感受到做媽咪未？）依家開始有啲習慣，因為以前我好怕屎尿之類嘅嘢，但幫個女換片真係唔同，好有成功感之餘，呢啲係母愛嘅力量啊！」
產後她自己就出現腳腫情況，亦因要照顧囡囡而停工：「我依家當佢係公仔，之前買咗好多衫畀佢着，我喺屋企冇嘢做可以幫佢扮靚。今年過聖誕節就好開心，多咗子子陪我過。工作方面暫時都未有復工時間表，我都同電台同事講要新年後先復工，因為真係唔捨得離開個女。」
(on.cc)
