黃心穎同馬國明呢一對愈愛愈高調，超Sweet又見哂家長！
心穎跟住馬國明去《鐵馬尋橋》兄弟聚會~
早前仲一齊去咗澳洲出席心穎三家姐婚禮，馬明已經融入黃家！
孖住出席聚會甜到漏！
差在等佢哋幾時宣布婚訊㗎啫！不過正當大家都以為佢哋好安穩嘅時候，心穎竟然喺社交網甫咗張同一位男人嘅合照，除咗話對佢有無限幻想之外，仲叫佢做「第一個老公」！
唔通心穎結過婚？咁馬國明又點算好呢？
原來呢位「老公」係台灣天王王力宏，心穎話細細個就開始鍾意佢，不經不覺已經有19年，雖然大家都喺演藝圈工作，但係一直都冇機會見一面，今次王力宏喺澳門開騷，心穎終於可以把握機去後台圓夢！睇番張相，見王力宏隻手輕輕搭住心穎膊頭，心穎個樣勁冧，啲笑容真係由心而發，完全感受到佢所講嘅「好難形容呢刻有幾開心」！
網民見到之後都留言話好羨慕心穎可以同王力宏合照，仲話好想知馬國明睇完張相呷醋個樣會係點！
(綜合報道)
