藝人胡定欣到沙田出席探訪活動，首次親身到場了解的定欣表示有跟病童與媽媽傾談，對方談到感觸時，自己亦要忍住眼淚。
提到該名小朋友很喜歡她在《城寨英雄》的打戲，還問她何時再來？定欣就忍不住背向鏡頭抹淚：「我問佢想我幾時再嚟，我諗或者聖誕可以叫埋班兄弟姊妹嚟唱歌跳舞。（着戲服耍拳？）都可以試吓，想畀到希望佢哋。」
而稍後將與鄭嘉穎及郭晉安到三藩市登台，她透露24日平安夜就會回港：「今年聖誕唔使開劇，可以做想做嘅事。（同班姊妹過？）未知，佢哋有啲要拍劇，有啲又唔喺香港。（畀機會追求者？）我都係去做善事。」記者指做善事可能識到男友，她就笑指兩件事不能相提並論：「你哋睇得電視劇太多！」
(on.cc)
