藝人岑麗香（香香）今日以低胸連身裙現身商場活動。
香香透露早前剛回加拿大探望家人，最近亦飛來飛去參加朋友婚禮，問到如此頻撲，老公會否擔心？
她說：「佢辛苦過我，呢段時間我都係休息，調理吓身體，做運動同學煮嘢食，不過有時老公飛去其他地方做嘢，我都有陪佢一齊去。（聖誕節點過？）有機會飛去探家人，我嘅身體已經好容易調節時差。」
至於無綫的頒獎典禮，香香坦言撞正其結婚周年：「老公好早就叫我留個期畀佢，佢計劃咗個Surprise畀我。有份入圍最佳女主角好開心，拍劇嘅時候大家合作得好開心，角色有得發揮又好貼地。」
見她身形明顯圓潤不少，上圍升Cup兼肚凸凸，孕味濃，又不斷摸肚，但她仍以三吋高跟鞋上陣，當記者叫她不要再穿高跟鞋時，她尷尬地笑，並說謝謝。
問到可是造人成功？香香解釋：「因為條裙款有啲泡泡。適當時候會同大家講，畀少少時間我，努力中。」
提到大會送上蛋糕，上面有張她與老公的合成BB照片。香香又驚又喜！
她笑言：「個BB好得意。（想生仔定女？）到時先算，都係一個祝福。（有壓力？）呢一刻有啲，多謝大家鼓勵，我會努力。身邊人已經唔係叫我快啲，而係問幾時，畀啲時間我消化吓，都係努力中，有好消息適當時候會同大家講。」
(綜合報道 / on.cc)
