名模Jessica C.早前出席活動，聖誕將至，她被問到聖誕節如何度過。
JC 表示將會到美國探親，讓囡囡感受落雪氣氛：「今次係我第一次冇工人自己要照顧兩個小朋友，個女好想可以睇到雪，因為佢好鍾意《冰雪奇緣》，成日喺屋企扮Elsa，我哋會去兩星期洛杉磯探Andy家人，之後兩星期去芝加哥探我屋企人，跟住老公要開工。」
囡囡Tessa於今年的萬聖節中扮演迪士尼《魔雪奇緣》Elsa公主，又靚又可愛！
問會否再工作或做家庭主婦？JC回答：「我好享受做家庭主婦，另一方面都會想工作，但我覺得屋企始終要有個人照顧小朋友，好似今日我出嚟，Andy就負責睇住屋企。」
Jessica C. 又自爆：「啲人成日話我有兩個小朋友，其實…..」
她指Charles才是她與丈夫安志杰的第一個孩子，是與老公安志杰（Andy）初相識時養的。
她表示一對子女與Charles相處融洽，兩歲大女Tessa很喜歡介紹Charles給朋友仔認識，細仔Elvis每次見到Charles都會破涕為笑。
(綜合報道)
