藝人馬國明出席商場活動，提到月中的無綫頒獎典禮，他自言從來不會估自己奪獎：「視帝我想黎諾懿攞，佢嘅《BB來了》好好，我都想蕭正楠攞，因為佢同我一齊拍《宮深計2深宮計》，但攞獎要講運，我覺得陳展鵬最好運，佢又娶老婆又有小朋友，不過 Ben（袁偉豪）都有機會，佢攞星馬視帝都好戥佢開心。我自己攞唔攞獎冇所謂，我要錢，獎就隨緣，我好窮呀，希望今年多啲活動。」
至於視后，馬國明稱看好陳煒及黃智雯，問到會否支持女友黃心穎？他笑言：「佢提名邊個我就投邊個，我一定支持佢，佢好似係提名女配。」
對於被指是「陪跑王」，他稱沒有因此而不開心，並笑言自己並非陪跑而是領跑：「我係領住啲盲嘅跑，領跑跑得仲快，不過贏咗唔會攞獎，而係畀隔籬嗰個攞，其實邊個攞獎我都開心，大家都係識咗好多年嘅朋友，我之前都攞過好多獎。（好多公司同事想你攞。）多謝，證明我多朋友。（下年開拍嘅《降魔的》續集會出力啲？）都係隨緣，唔會因爲想攞獎就出力啲，而且太出力就過火，但賺錢就可以努力啲，今年巿道唔好。」
(on.cc)
