大陸女星楊冪同劉愷威一直盛傳婚變，而10月老公生日時，連續5年都會喺微博凌晨時分發文祝賀嘅楊冪，今年竟然斷纜！
而最近楊冪接受雜誌訪問時，講到有指佢掛住工作而忽略家庭時，佢就話事業同生活各佔自己人生一半，但工作係必須要去做，做嘅時候就要快樂做好，不過佢就表示如果今年元旦唔使開工就會同家人跨年，但係目前仍未確定行程安排，有網民就好奇「家人」包唔包括劉愷威，有冇份一齊呢？
佢又透露女兒小糯米近況，好鍾意唱英文歌畀佢聽，而每次聽到囡囡可愛嘅歌聲時，就覺得好溫暖！
而日前楊冪出席活動後，被網民拍得佢未P圖前嘅激瘦照片，更透露目測只有35公斤，非常誇張！
照片所見，楊冪唔只雙頰凹陷，手臂仲係皮包骨，網民都驚呼：「媽呀她的腰」、「再瘦就像骷髏啦」、「真的好瘦呀」！
(on.cc)
