現年46歲的古巨基於2014年7月與拍拖20年的助手Lorraine在美國拉斯維加斯註冊結婚，翌年再在港補擺喜酒。
基仔之前講到明同老婆都好鍾意小朋友，期待做爸爸：「但明白呢件事唔可以有壓力運作。」有冇嘗試人工受孕？基仔坦言：「冇吖，不過有好多介紹例如食療調理身體，中藥嗰啲。」
奈何結婚至今一直未有好消息。
不過，身形向來纖瘦的Lorraine近日明顯較以前圓潤，臉頰相當飽滿，驚現雙下巴，十足懷孕初期婦女。日前晚上約9時，她與基仔以情侶牛仔外套現身西九商場餐廳出席朋友飯局，同場還有鄭欣宜、陳淑芬母子及李琳琳等。
明顯發福的Lorraine穿上鬆身恤衫及闊身牛仔褸，未知是否為免將肚仔箍得太緊，她穿上黑色闊身褲，而為安全起見，她亦穩陣地腳踏平底波鞋出動。
至晚上近12時，眾人醫肚後陸續步出餐廳，心情大靚的Lorraine與友人笑笑口傾不停，怕被認出的基仔則戴上帽及口罩，為太太護駕，而當男友人跟基仔說話時，Lorraine識做地行開「讓位」，但基仔仍不時望向行在前方的太太，其後兩公婆再往停車場取車。
而欣宜則翹着陳淑芬兒子陳家豪邊行邊傾，臨走前還禮貌地跟一眾長輩道別。
(綜合報道)
