昨晚她品牌活動，現時懷孕24周的她依舊踩3吋「斗零踭」上陣，雖穿上駱駝色毛衣但明顯見肚凸凸，她稱着高踭鞋好安全、冇危險，而預產期是明年3月中，過完農曆新年就準備生B：「依家哥哥都知會有細妹出世，反而妹妹就唔知。」
講到之前於社交網自爆不幸患上B型鏈球菌，問到現時身體情況？
前英皇小花何嘉莉（Lillian）表示每日都要食抗生素，又指細菌對大人其實沒太大影響：「大人會喉嚨痛，但對初生BB就嚴重啲，因為佢哋冇抵抗力，依家每日都要食4次抗生素，但有時都會唔記得食；同埋醫師話呢隻菌對順產嘅媽媽有影響，因為細菌好易入到BB體內，所以分娩嗰時要打抗生素針。」
每日都要食四次抗生素
不過她重申今胎都會選擇開刀：「之前兩胎都係開刀，呢個情況醫生都話開刀好，生埋今胎就封肚㗎啦！（身體有任何不適？）冇，好好彩3胎都佗得好舒服。」
老公有何獎勵？她打趣話：「佢畀心機啲湊好小朋友就得啦！」
問到聖誕節有甚麼節目？Lillian笑言往年都會計劃去滑雪，不過今年就唔會諗，計劃旅行一事遙遙無期。
（on.cc）
