藝人王君馨（Grace）到中環宣傳劇集《是咁的，法官閣下》，她透露剛由紐約返港，早上五點半才落機，但為煲劇而冇瞓覺，之後就出席活動。
講到紐約之旅，Grace表示同老公去慶祝感恩節、到百老匯睇騷，並出席胞兄的婚禮。
講到頒獎禮提名，她直言最希望劇集得到「最佳劇集」獎：「愈睇愈寫實，講出香港人心聲，身邊人都話好有共鳴。（咁你自己提名視后呢？）有人撐我會爆冷，有呢啲鼓勵我覺得好大支持。」
Grace在劇集表現出色，連校長譚詠麟同方力申都發文大讚，為競逐今年最佳女主角打下强心針。
對於最近又報道指Grace為衝刺事業而封肚拒生B，她表示：「係希望過多一兩年先預備，我同老公年紀仲細，佢只係嚟咗香港年幾，仲習慣緊呢度嘅節奏，而且我想環遊世界先。（攞完視后先生B？）呢樣好睇天時地利，自己控制唔到，不過跟住都有套大劇要練功夫，希望畀到觀眾驚喜。」
（綜合報道 / on.cc）
