《是咁的，法官閣下》著力描寫新一代律師生活艱難的一面，而黃瞳大律師曾為了賺取$3000半夜見客，生活捉襟見肘。
現年27歲的藝人林秀怡，在無綫熱播劇《是咁的，法官閣下》中飾演黃智賢徒弟而備受關注。
今年更首次獲提名《萬千星輝頒獎典禮2018》「最佳女配角」
她更上載提名名單和網民分享喜悅~
最近有報道指她搭上在無綫任職的一名助理編導Kevin Leung。二人愛得癡纏兼打得火熱，日前更被拍到二人疑在車廂內接吻的相片，二人更錫足幾分鐘。
林秀怡接受傳媒訪問，她笑言：「輯相好耐個喎，佢係我朋友，呢次教訓係以後都唔好喺條街度咁激情，當日我冇化妝呀，男友亦覺得勁尷尬，冇諗過面貌會公諸於世。（你同Kevin Leung感情好好？）係呀，好穩定…」
「我媽咪唔舒服（媽媽年初時發現患癌），佢會車出車入咁照顧我哋，因為我要煮三餐畀媽咪食，有時會好攰，佢都會上嚟幫我執屋。」
林秀怡是第23期無綫電視藝員訓練班學員，畢業後成為無綫電視藝員，拍攝過《點解阿Sir係阿Sir》、《怒火街頭2》、《法證先鋒III》、《On Call 36小時》、《不懂撒嬌的女人》等劇集。
《不懂撒嬌的女人》
《怒火街頭2》中有大膽演出
《三個女人一個「因」》飾演男主角袁偉豪資優生妹妹利東伶，與飾演大律師的林景程合演出一對歡喜冤家，當時演技已備受注目。
報道又指她身世坎坷，自小與母親相依為命在天水圍長大，林媽媽曾因跌傷不宜工作，故此她未夠18歲便要打工養家，試過一日返幾份工搵錢幫補家計，就算當時報讀藝員訓練班，亦有做兼職幫補家計，非常孝順！
早前曾搞網上安全套生意，可惜業績未如理想，幸最後得好友梁靖琪出手相助，總算度過難關。又與友人合資在旺角開設意大利餐廳，但今年年初卻傳來母親患上癌症噩耗，生活逼人。
（facebook / 總合報道）
