小公主Charlotte於月初出世，成家人都好開心！特別係李泳漢嘅媽媽施明。。。
叔叔李泳豪一樣咁開心，每日都搶住抱B！
一家人齊齊整整三代同堂畫面超幸福！
原來係李泳漢安排嘅！泳漢為下個月一日就滿月的囡囡拍照時，刻意安排施明同李家鼎「世紀合體」，一齊影全家福。
泳漢覺得人生變得好完滿！佢坦言之前與父親的感覺好疏離，直至兩歲囝囝Alfie出世後，才漸漸將大家的距離拉近，見面次數亦是以前的幾倍，因為李家鼎真的很痛錫他的一對仔女，對孫女Charlotte更是寵到出面。
泳漢話：「以前唔明佢哋點解要分開，豪仔就一早接受事實，同爸爸關係比較密切，反而我就做咗人老竇先明白好多嘢，兩個人結婚唔會寫包單一定要Happy ending，何況要維繫一個有小朋友嘅家庭，開始識得企喺佢哋立場度諗，好似幫我解咗個千年心結咁。」問可有想過父母復合？他則哈哈大笑，表示自己是後輩，這個問題絕對不能代答。
哥哥錫錫妹妹超有愛！
不過泳漢承認囡囡出世後使費增加不少，每日都要「跑數」養家，從來對錢沒有太大感覺的他，一起身就出外賺錢，幸好太太Conny理財了得，所以他每月出糧就會全部奉上，交由太太「靈活善用」，準備隨時迎接新成員。
(綜合報道/on.cc)
