藝人苗僑偉（三哥）同太太戚美珍（三嫂）有仔又有女，一家四口幸福滿瀉。
囡囡苗彤於2013年大學畢業，舉家飛去加拿大睇佢行畢業典禮。
上年喺灣仔一間餐廳舉行迷你影展，埸內掛上近十幅作品，係佢近兩年喺香港、泰國同美加所影作品，主要影人像為主。好叻女！
事隔五年後，今次就輪到25歲囝囝苗晉大學畢業啦！
今日三哥、三嫂喺微博上載一家四口嘅合照，見苗晉着住畢業袍、手執鮮花，大個仔啦！而三哥同三嫂開心到舉起V字手勢，更錫錫囝囝，畫面超溫馨～
佢哋留言話：「畢業了，開心，並不是甚麼學業有成，而是你的堅持和努力被肯定，是你學懂了怎樣面對困難和挫折，學懂怎樣面對孤獨和無助，你大個仔了，恭喜Murphy。」
唔少網民都大讚苗晉高大又有型，仲估佢會唔會殺入娛樂圈發展呀！
(綜合報道)
