藝人蕭正楠（阿蕭）與曹永廉（阿廉）現身無綫節目《兄弟姊妹去旅行》記者會。
阿蕭對於剛才在台上被要求咀拍檔胡定欣，他抵死指見對方太Dry才想送上滋潤，又爆阿廉從小已視姚子羚為幻想對象，故今次能於節目中一起浸浴缸已相當滿足，問到二人事前可有向另一半備案？阿廉笑指若備案定不批准，所以未有告訴太太。
談到拍攝期間經常要行路，又會到高山取景，阿廉即自嘲年紀大，擔心當地山區空氣稀薄，故出發前已準備哮喘藥：「無謂就咁走咗，運返嚟又麻煩，其實遺體有冇商務坐？」阿蕭聞言即豪氣表示自掏腰包買商務給阿廉的遺體坐，順道連對方的飛機餐也據為己有。
而其好友鄭嘉穎近日宣佈做爸爸。
阿廉繼續發揮幽默：「原本以為佢唔得，咁多年都冇，知佢好鍾意小朋友，今次又搵到對手，希望佢追番時間，生完一個又一個啦！（係咪奉子成婚？）我冇問，結得婚都想要小朋友，所以估到有呢個可能性，不過我都係睇社交平台先知呢個喜訊。」
(on.cc)
