歌手泳兒（Vincy）喺自己社交網站上載咗一條片，一開始Vincy着住婚紗兼戴上戒指，而男主角個長髮背脊似足髮型師男友Ziv！
唔知仲以為佢結婚呀！
原來佢係為個人品牌拍咗條宣傳片，佢仲大爆品牌名嘅來源：「話說有一日喺度懊惱緊啲嘢，決定出街行個圈透吓氣，之後喺間店度見到一張Greeting card寫住『You got this！』所以就用咗『V got this』做品牌名。」
品牌第一個Campaign就係慈善義賣狗狗頸圈，目的係宣揚「Make a promise，love them a lifetime」呢個message，Vincy話：「婚姻係一個一生一世嘅承諾，養寵物都一樣。」原來啲頸圈係Vincy親手製作，佢話：「第一次整手作賣，揀料都係自己嚟，都有畀唔同嘅狗仔試，希望佢哋帶得舒服又靚。」
拍攝宣傳片時，Vincy話最難係控制自己兩隻愛犬，除此之外，佢都多謝一班好朋友幫手：「我哋朝早七點就開始拍，因為要追日光，大家嗰日都輪流變做狗保母。」
(on.cc)
