前港姐張名雅臨盆在即，前日喺IG大曬靚靚大肚寫真。
今日佢就同公公去酒樓食飯，點知就搞到自己好勞氣，佢好嬲咁喺IG stoty發文交代事發經過：「今日去食午飯。刷卡後去收銀唱散一張五百蚊紙。佢話唔唱，我唔會亂咁幫人唱錢。我話我地（哋）係你酒樓食客，唔係求其係（喺）街行入來叫你唱錢wor（喎）。跟住佢個樣開始袞（衰），話無辦法，你自己出去唱。我話咁你係有散紙定無先？佢連除拿左（咗）一疊百蚊紙出來係我地（哋）面前洋下洋下話我有 不過我唔唱比（畀）你地（哋）啊」
張名雅話當時得佢同公公兩人，佢仲話嗰位收銀員態度愈來愈差兼聲線提高：「waaaaaaa我心唸（諗）你咁嘅態度？請問你是做服務性行業定係打王（皇）帝工？然後我話唔想再同你講野（嘢），唔該叫經理出來同我講，佢話你叫啦！！你叫囉！！經理來左（咗）然後自己係（喺）銀包拿出來幫我地（哋）唱，叫我地（哋）唔好理個收銀。」佢指個收銀員好似大晒咁，依然喺度大聲呼喝正在理論嘅公公。
最後張名雅表示：「喂而（依）家已經唔關唱唔唱錢事，係點解你仲可以態度差到咁，講野（嘢）大聲呼喝人。經理話會管教佢 叫我地（哋）唔好介意 但同一時間收銀依然無悔改 我拍台（枱）叫佢立刻道歉我要投訴！佢話『對唔住囉！！小姐！！』」
有唔少網民就留言勸佢唔好動胎氣。
(on.cc)
