【暗示係BB…】鄭嘉穎：心情開心過攞獎同中六合彩

鄭嘉穎今日宣傳電影時接受傳媒訪問，心情大靚嘅佢同大家講定恭喜發財，佢話：「心情開心過攞獎同中六合彩，難以形容，好喜悅非筆墨能形容，太太叫我唔好講咁多關於BB嘅嘢，佢比較緊張，大家問返佢，依家全家上下都緊張到不得了。」

並透露太太Grace身體狀況一切正常，但訪問過程中佢就好驚自己講錯嘢，而好友黃智賢就曾經暗示鄭嘉穎呢胎係… (相關新聞：https://goo.gl/SxdBwg) 

嘉穎第一次從超聲波睇到BB個樣，係一個難忘經歷，佢都有向身邊朋友取經，因為身邊唔少人都已經係爸爸身份，好同唔好嘅榜樣都有晒。

嘉穎話：「依家開心多過緊張。」至於問到BB係咪仔？佢就話：「你問我太太啦，佢叫我唔好講咁多，交畀佢講。」

佢已經計畫攞假陪太太生產，有機會入產房，但詳細如何仍未知道，而實際預產期佢只肯透露係豬年，其他叫大家問返太太。