講到她今次以淡妝樸素造型上陣，她笑言：「係呀，好舒服，唔使點化妝。」
藝人鄧麗欣（Stephy）為新戲開鏡，表示電影已拍了幾日，會拍到12月中，亦謂這是第二次參與政府資助的「首部劇情電影計劃」：「同平時電影都幾唔同，製作budget有限，成班後生仔都好有心，不計較付出，令我都覺得好熱血、青春。」
講到角色，她表示成部電影都是圍繞金都商場：「飾演喺入面做婚紗舖嘅女仔，本身準備同男朋友朱柏康結婚，但畀佢發現我曾經假結婚，所以就講我哋點處理段關係，係好地道嘅港產愛情故事，我拍前好少去呢個地方。（覺得環境點？）真係幾好喎，一條龍服務搞掂晒，都有朋友喺個度搞結婚嘅嘢，婚紗、影婚紗相，乜都有，好齊全，成個商場都係婚宴準備。」
問到她將來都可會到商場準備結婚的事宜？她笑言：「唔錯喎，一站式幾方便，一日搞掂晒。（帶男朋友邱勝翊（王子）落去參觀？）哈哈，同埋依家趁拍嘢同鋪頭啲人相熟啲可以𢱑折，拍戲得閒就喺側邊望下，好似拍戲我要着裙褂，之前少接觸中式，係第一次着裙褂，原來都幾靚。（第時結婚會唔會着？）仲未諗住咁遠。（未諗結婚？）不嬲都冇乜點諗，依家拍戲為主更加唔會諗。」
(on.cc)
