「其實過程都驚險，因為肌瘤都好大，阻住產道，所以醫生一早經已話要開刀，冇得順產，佢講明有危險性。。。」
喺今年七月宣佈佗B！但BB性別一直都保密！
昨日終於開刀誕下7.2磅B囡：「我專登揀同自己生日開刀，以後方便一齊慶祝，點知囡囡同我同月同日同磅數出世，真係緣分！我哋一早已經幫囡囡改好名，中文名叫子子，英文叫Martha。成個過程都好順利，初時都會餵人奶，希望畀到最好嘅營養BB。」
董敏莉（Monie）透露老公在產房陪產，一起迎接新生命來臨。
不過喺第一次產檢中發現有子宮肌瘤，Monie話：「其實過程都驚險，因為肌瘤都好大，阻住產道，所以醫生一早經已話要開刀，冇得順產，佢講明有危險性，驚失血過多，有二千分之一機會要切除子宮，好彩醫生盡力幫我止血，大小平安，可能半年之後要做手術切除肌瘤。」
工作方面，Monie會先休息兩個月，之後再慢慢復工：「電台主持嗰度我就請咗兩個月假，陀b嗰陣都有好多媽咪級嘅廣告搵我。」至於會唔會母女檔拍廣告？佢就話：「咁長遠梗係未諗，如果阿女好似我咁靚，爸爸又准許嘅話，我都唔介意佢入行。」
(綜合報道)
