林峯等人早前出席電影《P風暴》煞科宴，林峯首演奸角。
他稱終於得償所願：「自己入行20年，終於可試一啲以前未試過嘅角色，一直想演精神錯亂、心理變態、精神分裂，今年幾個角色同以前有啲突破，今次係有啲突破，亦係同古仔（古天樂）自《尋秦記》後再合作，當年底或出年年頭嘅一個Warm up。」
他續說：「（有冇讚你演技？）佢有教我，終於好多嘢想試，今年開始多番好多機會，剛另一部電影亦煞科，希望畀大家睇同唔嘅嘢，新鮮啲。」問到戲內可有和拍檔古天樂對打？他謂：「戲入面好多打鬥，近年嘅戲都多打鬥動作，可能觀眾都鍾意睇，本來戲入面我都有啲手下，所以仲諗住唔使點打，點知都係打好多。」
古天樂都有出席煞科宴
現林峯已有內地女友張馨月，亦默認拍拖，他坦言：「呢排工作之餘，生活上都非常好，分配畀屋企人同身邊人，多謝大家關心啦，呢排各方面都非常好。工作以外嘅嘢唔詳盡去講喇，多謝大家關心，希望大家關注新嘅作品，因放咗好多心機。」
之後就提到緋聞女友張馨月在社交網上載在他家中泳池游水，似是宣示主權？
林峯雖然表示不想講太多，卻露出甜笑。有傳二人好事近？林峯就反問是誰說。提到有指前女友吳千語想跟他復合？他只說多謝大家關心。
（綜合報道 / on.cc）
