吳綺莉（Elaine）的女兒吳卓林與女友Andi於加拿大結婚（相關新聞：https://goo.gl/zwQ2K7）。
吳綺莉於下午三時半回家時，下車見記者在場亦企定定做訪問，問到她心情如何，她笑笑口說：「咩心情？聽日開工囉！（囡囡結婚知唔知？）講做嘢得唔得呀！（對囡囡結婚有咩睇法？）冇乜點睇。（見過囡囡未？）前日見過囉。（會唔會祝福佢？）每一個人都想每一個人好嘅，點解唔祝福人呢？（之前已知佢哋結婚？）唔講喇，唔講喇。（係咪囡囡因為財困所以返嚟？）唔答喇。」
問到她對同性婚姻有甚麼看法？她無奈表示：「我好多朋友都同性婚姻，冇乜點睇。（會否同囡囡食飯慶祝？）等我開完工先啦。（依家接受咗？）冇乜接唔接受，每一樣嘢都順其自然啦。（卓林係咪返嚟交代結婚定係其他原因？）唔講喇。（佢結咗婚會唔會擔心分身家問題？）唔講喇。（囡囡回港發展定會再返加拿大？）我覺得佢大個女喇，大家都有大家嘅工作，希望專注番我自己做嘢方面。（有冇同佢爸爸交代件事？）唔講喇。」她又指和卓林是永遠的最好朋友，對於女兒會否回家居住，她說順其自然，說罷便匆匆上樓。
相關新聞：
【卓林婚禮片段曝光 吳綺莉PO相感慨留言…】https://goo.gl/wwfnZR
【同Andi結婚之後 卓林再宣布…】https://goo.gl/zwQ2K7
(on.cc)
