早前三位地美女再上《美女廚房》誓要一雪前恥，洗脫「地獄廚神」污名，節目中笑料百出。
這位成功破地獄的「美女廚神」確實贏得好驚險！
最終她大比數勝出一洗「地獄廚神」污名！不過身為香港小姐兼港大畢業的她有嚴重懶音，好似「鄉」港小姐、好「缸」淨、床前明月「乾」……
懶音連環不斷，非常刺耳！重視咬字的戲劇大師詹瑞文（詹Sir）都忍不住，多次要不斷出口糾正！
被詹Sir考讀詩練習發音，都多次被即場更正。
詹Sir又考盈盈喇！正當大家又準備大笑之際…
雖然有懶音，不過盈盈口齒伶俐，輕輕鬆鬆就讀到「黐線蜘蛛啲蜘蛛絲黐住支樹枝」，於是她即時盛讚自己：「我條脷好叻㗎！」
節目中她又拿著手上材料紅酒時懶叻拋書包：「我覺得似係Old world…『Bordeaux』嗰邊囉！」
見識廣闊的詹Sir一聽就知道她又發錯音，即時問盈盈：「咩係『Bordeaux』（波爾多）呀？」
反應勁快的盈盈玩食字，不惜「自爆」塊臉打咗肉毒桿菌（Botox）（同Bordeaux發音有啲似）：「啱啱打完Botox返嚟呢，啲牙骹好緊呀！」
此話一出令全場爆笑，就連要求高的詹Sir都拍爛手掌！旁邊主持Bob都笑到碌地！
（綜合報道）
