今年5月在美國簽紙離婚而終結，當時仲爆出被對方苛索2.4億 (港元)贍養費。
點知分手僅半年，兩人竟然約埋在感恩節到美國康州睇李克勤演唱會，被讀者何小姐爆料，懷疑兩人復合。
實力派歌手李克勤於美國舉行演唱會
大唱金曲，現場氣氛高昂!
何小姐接受電話訪問表示：「頭先喺金神大賭場睇演唱會，喺大門口見到佢哋攞飛入場，打扮得好靚，冇同行朋友，自己睇到覺得好愕然，之前佢哋唔係話離婚咩，講到大家好不和，但佢哋完全唔似仇人，反而好似一對好有默契嘅情侶。」
製片人汪子琦（右）與大陸富婆Laura曾經有過一段婚姻。
不過，據讀者何小姐提供相片，只影到Laura嘅背面，睇唔到樣！何小姐表示：「Laura着灰色裙仔、彩色鞋，打扮得好行，汪子琦就好似Tom boy，佢哋好引人注目，好似完全唔驚人哋睇到。排隊入場要過安檢，汪子琦對佢照顧周到，自己過完安檢後，等埋Laura先入場。」
當日兩人嘅同性婚姻失敗，爆出汪子琦苛索3,000萬美元（約2.4億港元）贍養費，離婚官司糾纏半年，最後汪子琦人財兩失，Laura更寸爆前度：「貪字得個貧！」
點知事隔僅半年，兩人已經約埋睇騷，問到係咪復合？Laura以短訊回覆《蘋果》堅決拒絕：「No！無可能！我有10張vip tickets，還有其他朋友和家人，因為我鍾意李克勤啲歌，汪子琦主動聯繫我，佢話已經安排好，帶我去後台影相。我同汪子琦騷前有一起食宵夜，傾咗半個鐘，所以一起入場。」
點解離咗婚仲撐枱腳？Laura表示：「唔叫撐枱腳，只是有啲事其他人喺度唔好傾。而且有朋友喺度賭緊。」問到離婚搞到咁唔開心，點解可以做番朋友：Laura話：「無過分要求，唔會係我仇人囉。」佢仲強調現而家無拍拖，但大把人追。
汪子琦回應同樣話兩人無復合：「沒有復合。她不怎麽理我的。離婚的時候我就說過。她永遠是我最重要的人，我肯定不想和她做仇人；這次是我聽其他朋友說她也要看李克勤演唱會，所以我主動聯繫她，可以帶她去後台。」
（綜合報道 / apple daily）
