將於下月23日在紅磡筵開40席的藝人江若琳和蕭潤邦（Oscar），專程到電台訪問兼派帖，她們的喜帖設計別出心裁，因結婚翌日便是平安夜，故喜帖亦設計成聖誕卡一樣，江若琳說：「係我Idea，係自己嘅情懷，以前細個一打開聖誕卡有嘢彈出嚟，所以好想張帖似聖誕卡，人生大日子。」喜帖的Logo還有一個水果和兩個生煎包，勁有心思。
婚期將近，江若琳直言有婚前恐懼症，晚晚發噩夢。
她說：「一係發媽咪唔鍾意條裙，自己個頭唔靚，或者條裙送唔到嚟，晚晚發唔同狀況，一擘開眼，好彩係發夢。」
Oscar又爆江若琳有次發過一個噩夢，夢中因為髮型唔靚唔肯嫁：「通常話壞嘅夢現實就好，（你有冇發噩夢？）無論讀書我都係臨急抱佛腳，我諗婚前兩日先會出現。」
他們又稱還未決定伴娘和伴郎人選，有可能伴娘係男人，伴郎係女人，兄弟團有16、17人，姊妹有14人，共30多人可謂破紀錄。
Oscar說：「MC都冇定人選，好驚講錯嘢，咩播出『生前片段』、『下次再見』果啲。」所以司儀會由電台DJ自由上台擔任。
(綜合報道 / on.cc)
