天王郭富城（城城）太太方媛（Moka）盛傳再度有喜，而城城出席活動冇正面否認。
之前Moka PO相大多都係自拍照，就算曬全身照都會有意無意咁遮肚。
現時專心照顧囡囡嘅Moka，呢日帶埋囡囡Chantelle去主題公園玩，一開始Moka坐喺船上面玩自拍片，見佢童心未泯咁揮手，心情大靚。
鏡頭一轉，見原來Chantelle被家傭抱住，雖然只係得側面樣，但見Chantelle頭髮濃密，長大咗唔少，仲不時抬頭周圍望，對呢個環境十分好奇。
當然唔少得自拍啦！
方媛留言：「兒童世界。」
睇到着住粉紅連身嘅佢腹部微隆，手腳都依然係好纖瘦，完全冇孕味。
(綜合報道/on.cc)
